Era Jinnaru, nu misi friddu e amaru;
ma ppè nua era duci picchì venìa n’atru Figliu ara luci.
È venutu aru munnu ccù nu numi prezioso cchiù di l’oro zecchino,
l’amu chiamatu cumu u nonno GEPPINO.
È l’erede da vita e l’erede da razza,
dintra si case già a famiglia escia pazza.
È nù masculiddru: è natu GEPPINU!
I sa notizia Cusenza è già chìnu.
Si biaddru chi via, na gioia chi mancu,
i quannu si natu si statu n’incantu.
Ohi picciriddru nuastru, cà a felicità ti vasassa;
e nonnuta i ddrà supra ogni juarnu ti guardassa.
Ccù su numi cà puarti s’arrassanu puru i talenti,
e mo…fallu vala ‘nmianzu a sta genti.
Cchì regalu bellu cà n’ha fattu,
si arrivatu dintra sa casa e a famiglia nostra s’è daveru spasa.
C’è già a sorellina e tu si u sicunnu
ma si l’uaminiaddru cchiù biaddru du munnu.
Dintra a vita nostra si conzatu ‘mparu,
ha portatu allegria cà un canuscia dinaru.
U cori d’amuri fa traboccà,
ha datu ricchizza a MAMMA E A PAPÀ ! ! !